Өнгөрсөн бол одоо цагийн ирээдүй

       Би цэцэрхэх дуртай хүн. Цэцэн мэргэн ухаан гэгч ерөөс хүн төрөлхтний соёл иргэншлийн охь манлай нь бөлгөө. Гэвч зүрх сэтгэл, дотоод ахуйд цэцэрхэл хэтэрхий үнэгүйдэх мэт.

Сэтгэл ч бас амьсгалдаг

Мэдрэмжээс илүү амтлаг байх, төсөөллөөс илүү шорвог байх боломж үгүй.

      Намуухан хэрнээ анхил үнэр маш сайхан мэдрэмж төрүүлдэг шиг, энгийн хэрнээ даруухан бүхэн сайхан сэтгэгдэл төрүүлэх юм. Хүн ер нь мэдрэмжээрээ амьсгалж, цаддаг юм шиг санагдана. Хэрэв юу ч мэдрэхгүй бол хэзээд цангаж, дутаж явдаг. Хүссэнээ авахдаа бас хэмжээ хязгаараа умартана. Яг л зөгийн баланд хорхойссон баавгай адил.

Тэнэмэл бодол

        Бүтэн нэг жил юу ч бичээгүй хаагуур тэнэж явсан нөхөр вэ гэсэн хүлээлттэйгээр шинэхэн бичвэртэй минь уулзаж байна уу?

Амьдралд бичиж тэмдэглэж боломгүй аймшигт хар өдрүүд, бас сараачиж амжих сэхээгүй аз жаргалтай мөчүүд олонтаа. Эрээнтэй бараантай гэж хэлэхээс илүү нэг л өнгийн хачин саарал орчлонд хумхын тоос ч гэсэн зүгээр оршин байдаггүй. 

Өөрөөрөө өрөөлийг ухаажуулахуй

 Хорвоо хоёр талтай гэх. Сайн бас муу...

         Хүн ерөөс өр төлөөсгүй байвал санаа амар, амгалан байх бус уу? Хэн нэгэнд өчүүхэн ч атугай өглөгтэй бол сэтгэлийн зовиур, биеийн хөдөлгөөнөөр илэрдэг билээ. Түүнтэй нэгэн адил гэм нүгэл үйлдэх нь ч бас бусдын өмнө өр төлбөр тавих мэт...

Оршихуй, орхигдохуй

"Хүний амьдрал гэдэг далай тэнгистэй адил юм. Энэхүү далайд сэлэхгүй бол живэх аюул бий!" 

Амьдрал тэр чигээрээ түүх

    Амьдрал гэгч угтаа түүх, түүх гэгч нь амьдрал бөлгөө. Сэлүүргүй завьтай, залуургүй далавчтай, жолоодлоггүй дугуйтай зам харгуйг үл анзааран хээр талаар салхи татуулан өнгөрөх аз жаргалтай хором мөчүүд юм.

Амьдралд хааяа зогсолт хэрэгтэй байдаг. Гэхдээ зогсолт удаан үргэлжилбэл ухралт болдог.

Өглөө бүр нар манддаг. Өнгөт орчлонд хавар зун, намар өвөл ээлжилдэг. 

Хүн бүр өлгий, авс хоёрыг дайрч өнгөрөх тавилан заяатай. Үнэн ердөө л хоёр талд байдаг бол эхлэх бас зогсох нь гарцаагүй батлагдана. Урсан өнгөрөх агшины үр дүн нь өөрөө ирээдүйн баталгаа гэж би онцлон тэмдэглэе. Тэгвэл цаг хугацаа урсан өнгөрөхгүй байх тохиолдол үгүй тул бид заримдаа урсгалд хөтлөгдөхгүй сонголт байх юм байна.

Нэг голын усанд хоёр удаа орж болохгүй

Урсан өнгөрөх цаг хугацаа урсах усан лугаа илэрхийлэх дээрхи өгүүлэмж гайхалтай.  Мөн нэг голын усанд нэг удаа ч орж болохгүй гэж гүнзгийрэх нь бий. Эд зүйлс энэ мэт амьдралын урсгалыг үл анзааран саатан байхуйд хүний амьдрал харваад өнгөрөх од лугаа адил гялс хийх нь орчлонгийн түмэн аниргүйдлийн нэгэн.