Айдас + эргэлзээ = амьд үлдэх боломж.

Нэгэнтээ би хэний ч хайрыг татах нэгэн байсан гэж боддог. Гэтэл сүүлийн хэсэг хугацаанд айлгадаг, айдаг хүн нь болчихсон байгаа нь тун сонирхолтой. Өдөр бүр л олон хүмүүстэй харилцах хэрэгцээ шаардлага хүн бүрт тохиолддог. Захаас аваад зөрөх цэвэрлэгч хүртэл нэг л цэрвэсэн харцаар хараад байвал тун чиг эвгүй сэтгэгдэл төрөх нь гарцаагүй.

Бурам бус урам хайрла

"Бид чинь ямар ч их нүгэлтэй юм бэ дээ?" хэмээн хөгшид үглэх дуун чихэнд хадах шиг...

Бүүр түүр сэтгэлийн гүнд бүдэг бадагхан хар толбо тогтсон байх. Хүмүүн түүнийг төрөлх чанартаа бус төөрч явахдаа л тамгалжээ. Тэр нь сүүл сүүлдээ томорсоор нэг л мэдэхэд бүхий л сэтгэл зүрхийг нь эзэрхийлэн нэгэнтээ эзэнт улсаа эзлэх дарангуйлагч ярзайн инээх мэт оршин тогтнолын торгон хил хязгаараа бататгана. Энэ мэт цаашилсаар эгэл хүмүүн ихэрхүү, дээрэнгүй нэгэн болж хувирах нь гаслантай.

Хэзээ үхэхээ мэддэг байсан бол Хэн ч ингэж цаг хугацааг үрэхгүй

Сар сар л гэх юм гэрэлгүй ш дээ тэр чинь
Нарнаас ойсон туяа өрөвдөөд дээр нь буудалдаг юм
Ухаантай ухаантай л гэх юм тэнэг ш дээ хүмүүс
Бурханаас өгсөн хишгээр хагас зуун хүрэхгүй гайхуулдаг юм
Мөнгө мөнгө л гэх юм цаас ш дээ тэр чинь
Нүцгэн ирээд нүцгэн буцахад нөмөрч болдоггүй юм тэрийг чинь
Амьдрал сайхан л гэх юм худлаа ш дээ тэр чинь
Авсан шигээ буцаагаад өгчихдөг өр юм тэр чинь
Хайртай хайртай л гэх юм худлаа ш дээ тэр чинь
Үхэл ирээд явахын цагт дагаад явчихаж чаддаггүй юм
Үнэн үнэн л гэх юм худлаа ш дээ бүгд
Үхэл даваад амьдарч үлдэж чадах үнэн гэж байдаггүй юм

Байдал

Хүнд, хөнгөний хэмжээ
Хүрэх газартаа бус
Хүлээх итгэл,
Хүртэх гавъяандаа байдаг.

Хүсэл таашаалын амт
Хүртэх мэдрэмжиндээ бус
Хүрэлцэх ахуйдаа
Хүүщлэх сэтгэлдээ байдаг

Тэвчиж чадсан нь ялдаг
Тэмцэж чадсан нь хүрдэг
Тэмтэрч чадсан нь мэдэрдэг
Тэмүүлж чадсан нь амьдардаг

Амьдрал, алдаа

Хөлбөмбөг гайхалтай спорт гэдэгтэй хэн ч маргахгүй. Амжилт ялалт, уухай түрлэг, эв нэгдэл, эрч хүч...

Гайхалтай бүхэн дээр нь нэг л зүйл нэмээд хэлчихэд шүүгч бол бурхан. Үүгээрээ бүр гайхалтай. Тийм ч учираас өдийг хүртэл хүн төрөлхтөний хайр хүндэтгэлийг хүлээсээр буй. Хөлбөмбөгийн тэмцээнийг бусад спорт шиг техникийн хөгжил дэвшилийг ашиглан бичлэг үзэж шийдвэр гаргадаг байсан бол тэгтлээ бидний сэтгэл зүрхийг татахгүй байсан буй за. Хөлбөмбөг ийм учираас хүн төрөлхтөнд ойрхон спорт. Хүний шийдвэр бүхнийг шийддэг болохоор.

Хань

Би -ийн төрх өөрөө чи -ийн үнэтэй
Билэг яруу, хиргүй гэгээн сэтгэл
Амьдралаас ургах эрч хүч инээмсэглэл
Амьд явах баталгаа, ахин уулзах болзоо

Орших орон зай

Хэн ч танихгүй, хэн ч дурсахгүй бол энэ дэлхийд тоос хөдөлгөөд хэрэггүй мэт.
Амьдралын үнэ цэнэ гэхээр их олон зүйл хэлж болох ч. Оршин буй цаг хугацаандаа ор мөрөө үлдээх л хамгаас чухал нь юм болов уу?

Харамсал, Харуусал

Хүмүүний амьдрал яг л хугацаа тавиад орхисон тэсрэх бөмбөг мэт үргэлж түгшүүртэй байх агаад нэгэнтээ төгсөх нь хорвоогын жам ажгуу. Эгээ нөгөө ертөнц энэ ертөнцтэй тун ойрхон байх мэт хүмүүний заяаг яалтай.